قصيده للشاعر فهد بن محفوظ في محمد بن نايف

القصيده لقيتها في منتدى ساحات الباحه ونالت على اعجابي ونقلتها هنيا
في منتدى العائله ..
ــــــــــــــــــــــــــــــــــــــ
الكاتب فهد بن محفوظ ..
ـ ـ ـ ـ ـ ـ ـ
بسم الله الرحمن الرحيم

السلام ورحمة الله وبركاته

أهدي هذه القصيدة إلى مقام سيدي صاحب السمو الملكي الأمير نايف بن عبدالعزيز
الذي تشرفت قبل أكثر من 23 سنة بالسلام عليه في حفل تخرج حفل خالي الشاعر أحمد بن محفوظ وعمي العميد عبدالكريم بن محفوظ من كلية الملك فهد الأمنية بالرياض أثناء مرافقتي لجدي الشيخ عبدالله بن محفوظ لحضور حفل التخرج



يا سلام الله على نسمـة بـلادي
يوم هبت في الجبال وكـل وادي

دارنـا واحنـا بهالعـز انتمينـا
في امـان نعيـش للعليـا ينـادي

الله اللي خصهـا بملوكهـا اللـي
دقت خشـوم المعانـد والمعـادي

من ظهر عبدالعزيـز وعـزه الله
بالحكم والشرع عـزه بالجهـادي

واهب الحكمه عطاه وسل سيفـه
لاجل رفعة دينـه بنفسـه يفـادي

القيادي العظيم اللـي فتحـت لـه
كل كنوز الارض هبـت للقيـادي

قاد بالتوحيد شعبـه مـا توانـى
بالعقـول وبالسواعـد والايـادي

وانبنى صرح السعوديـة وعـلاّ
نخله وسيفيـن بالعلـم الوكـادي

قالهـا عبـدالله ودوّى صـداهـا
من يساوم بالوطن مالـه مبـادي

ذاك ابو متعب عسى عمره سعاده
المليـك الحـر وبعـزه ريـادي

ثابت ٍ راسي على مجد ٍ وحكمـه
حب عبـدالله لشعبـه بازديـادي

ساهر ٍ مانام فـي خدمـة بـلاده
يوم غيره غط في نـوم ورقـادي

منعمين بجـوده وعـزه وخيـره
ما نعرف الظلم والا الاضطهـادي

دام ابو خالد يمينـه يـا سعدنـا
إفرد الجنحان يالصقـر المفـادي

حامي حدود البلاد وقـاد جيشـه
بالذخيـرة والسـلاح وبالعتـادي

عاش سلطان السـلام ودام ظلـه
نوره يشق الظلام ابـن السـوادي

عودتك يا سيـدي كـم نرتقبهـا
منت عادي لا لا بالله منت عادي

انت خير الارض لو تمشي عليها
في ثراك تفز ورد تهـب كـادي

شوقنا لك مالـه حـدود ومسافـه
يا حديث اهل المجالس والنـوادي

يا وزيـر الداخليـة يـا فخرنـا
عشت يا نايف رفيع بلا عمـادي

كان عمري ستة اعـوام ٍ وجـدّي
جابني لك يا الجواد ابن الجـوادي

صافحتك يمينـي وقبلـك راسـي
ومن هذاك اليوم فوق الروس بادي

حظ يمنى صافحت بالعـز نايـف
جعلها فدوة يمينـك وانـت زادي

كلنا جندك تحـت أمـرك سرينـا
ضد تخريب البلد ضـد الفسـادي

يا وطنـا يـا وطنـا يـا وطنـا
آمن آمن دام نايف فـي البـلادي

الوطن مامون من شعـب وقيـاده
والضعيف ان شذ له حبس انفرادي

يا ضلال الفكر يالفكـر المضلـل
ما بقى الا ولد نايـف يالبعـادي

ذا ولد نايف وله بالعـز صولـه
داحر ٍ الارهاب في طور التمادي

راسي ٍ في وجه الارهاب وتصدى
للخـراب وللدمـار وللـرمـادي

قال بيتي والامـان لمـن يعـوّد
للصواب ووجهتـه رب العبـادي

واقبـل المجـرم بنيّتـه الخبيثـة
وقدرة الله بيّنت خـزي الجـرادي

رد كيده وسط نحره يـوم شافـك
يالاسد يا ولد نايف مـات غـادي

يالكريم ابن الكرام ابن النشامـى
والشدايد مالهـا غيـر الشـدادي

كلنـا شفنـا سلامتـك وسمعنـا
فالقناة وفي الجرايـد والـروادي

نحمـد الله الـذي سلمـك فيـنـا
يا حبيـب الداخليـة يـا سنـادي

يا محمد يـا ولـد نايـف ترانـا
فدوة ٍ لك في وجيه اهل الفسـادي


وسلامتكم