غامد الهيلا ..منصور بن شويل

[/b]قصيده للشاعر : مــنــصــور بن شــويـــل الــظــبــيــانــي الـــغـــامـــدي

قصيدة الهيلا

يامعمر البارحـه والهـم طاريّـه
ماغير أموّل على ليحـي ياليحانـي

اما تجينا بصدق وطيـب ووديـه
وتضحك ومتنومس ومرتاح طرباني

والا تباشر بزحف جيـوش قمعيّـه
تدهم بلاد العرب من قاصي ودانـي

ماهي وقائع بـلا حجـه وماريّـه
لكن حقيقه وقـدم العيـن برهانـي

لوتنشد الترك عنـا بساعـة الهيّـه
تخبّـرك عـن فعايلنـا بعدوانـي

حنى نقود المعارك روحـه وجيّـه
شرابـة الـدم فالميـدان شجعانـي

ركابة الخيل مـن شقـرا ولْعبيـه
طرادة الترك ربعي طوال الايمانـي

اللي عادانا لحقـه العـار والعيّـه
رمي المقمع وضرب السيف شاماني

واللي لفانـا محبـه حيّـه وحيّـه
مايسمع الا ارحبوا يافلان وفلانـي

حنا اهل الجـود خيالـه ورجليّـه
نكرّم الجـار والضيفـان والعانـي

وحنا هل الهيلا والحقّـان محميّـه
علوم متوارثه مـن عهـد جدانـي

ولو غاب عنّا لقب ما حْن بشويّـه
يشهد لنا آل السعود الحـي والفانـي

معربيـن الجـدود ولابنـا سيّـه
الجد غامد وجـد الجـد قحطانـي

صفوفنا موحده ميـه علـى ميّـه
اذا دعى الاولي نهض لـه الثانـي

الله خلقنا كبار .. عزومنـا قْويّـه
وفينا الولد لاتعزوى يهد ضلعانـي


منقول من ساحات غامد ..بواسط العضو غامديه vip

يالله حيه .. افضل هوايه عندي استماع للشعر النبطي والمحاورات

ولي محاولات شعريه بس ماهي قابله للنشر ..

نصيحتك بجربها وباخذها بعين الاعتبار ..ولو اني مجربها


ويسعدني ان اكوون مشرف في المنتدى الشامخ الي فيه عزوتي

ارق التحايا ..